رواية مزاج
اسراء و يوسف كانو قعدين علي الأرض وكل واحد ماسك طبق وبياكل بقايا خليط الكيك
اسراء: يوسف متاكلش كتير بطنك توجعك.
يوسف وهو مشغول في الأكل
: ما انتي بتاكلي اهو
اسراء اخدت منه الطبق وحطتهم في المغسله الي كانا فوقيها وقربت منه تمسح باقي اثار الخليط
: اممم دقنك كبرت ومحتاجه تتحلق.
يوسف: واسراء هي اللي هتحلقه ليا زي كل دور
إسراء ابتسمت بحماس: أكيد طبعاً نطلع الكيك من الفرن واحلقلك
دخل عليهم ادم وهو حاسس ان راسه هتنفجر من الصداع بسب كميه الشرب بتاعت امبارح
ادم: بتعملو اي
يوسف: بنعمل كيك بشوكولاته
ادم وهو بيطلع ازازه ميه من التلاجه
ادم: الله يسهلك يا عم
يوسف: ادم يقعد وياكل معانا.
ادم: لا معلش مرا تاني يا يوسف علشان عندي شغل انا بس جيت علشان اقول لي ماما تعملي فنجان قهوه.
بس الظاهر انها مش هنا
اسراء: هعملهولك انا يا دكتور ادم ولا يهمك
ادم ابتسم: شكرا يا مرات اخوي
♡♡♡♡
جاسر دخل المكتب وميسره كانت قاعده علي الكرسي وحاطه رجل علي رجل اول ما، شافته قامت بفزع
جاسر اتقدم وقلع الجاكت وقعد علي الكرسي وشاور ليه
: تعالي
ميسره اتقدمت منه: يا جاسر انا ولله كنت….
قطعها لما سحبها من ايدها وقعدت علي رجله.
: اي اللي انتي لابساه دا
ميسره وهي بتحاول تقوم وشها كله بقا احمر
: انا.. انا
جاسر بيحرك ايده علي وشها وبهدؤ
: احنا مش قلنا هنوسع لبسنا ونفكر نلبس الحجاب كفايه مرقعه لحد كدا..
ميسره بتحول متبصش ليه وبتبص في الأرض من الحرج وشعرها نزل حوالين وشها
: بس انا بحب البس كدا
جاسر: وانا مبحبش تلبسي كد ولو جيتي بلبس زي دا تاني هتصرف انا علشان خالي عماد مش هيتصرف شكله واظن ان قطتي عارفه انا هعمل اي كويس
ميسره رفعت عنيه ليه: بس يا جاسر.
جاسر: بلا بس بلا بتاع يا ميسره ومتقوليليش انا بحب البس كدا انتي بتلبسي كده علشان تعجبي الناس هتقوليلي لا هقولك طاب انتي بتشوفي نفسك وانتي ماشيه والناس.
ميسره وطت راسها اكتر واتكلمت بصوت واطي
: حاضر
جاسر قرب منها وهمس في ودنها.
: بقولك اي اللي عايزه توريه الناس ما ورهولي هنا.
رفعت وشها بصتله بصدمه. وضربته علي كتفه وخبت وشها فيه
ميسره: انت مشفتش بربع جنيه تربيه.
جاسر ضحك لدرجه ان عنيه دمعت
: خلاص يا بنتي.. اممم عرفت لمه اعوز اسكتك اعمل اي
ميسره لسه هترد عليه الباب اتفتح
دكتور مصطفى: دكتور جاس…… امم مكنتش اعرف ان عندك موعد غرامي يا دكتور جاسر
جاسر قوم ميسره وقام وقف قدامه. وحط ايديه في جيوبه
: لو حضرتك خبطت قبل ماتفتح الباب يا دكتور يا محترم كنت عرفت
مصطفى: وبرضو الدكتور المحترم يقعد بالطريقه دي معا طالبه عنده
جاسر بص علي ميسره الي واقفه بعيد وقرب من مصطفى وتكلم بصوت واطي
: اولا انا مش محتاج ابرر ليك حاجه ثانياً دي بنت خالي قبل ماتكون طالبه عندي. يعني انا اخاف عليها من نفسي قبل اي حد ويلا هوينا.
بليل*****
آدم كان راجع من المستشفى وسايق العربية سرحان فيها وفي رقتها وجمالها ضرب الدركسيون بغضب
: غبي غبي ازي اخليها تمشي
وقف فجأة لما كان هيخبط في شخص
نزل من العربيه بكل هيبته وكانت نفس البنت إللي بيفكر فيها وفي كام راجل بيجروا وراها .
أول ما نزل من العربية استخبت ورا ضهره
: أبوس إيدك الحقني….
