غوايه الغنجـ . ـميه بقلم احمد محمود شرقاوي

في اللحظة دي بدأت المح من تاني نفس البنت بتبص عليا من ورا الونش, قمت من مكاني وبدأت أبص ناحيتها وانا مشدود بطريقة غريبة, وقتها كان الموقع كله فضي تماما ومفيش أي حد فيه غيري انا والبنت دي, قربت منها شوية ولمحتها, كانت عارية زي ما اتولدت, وكانت مثيرة بطريقة غريبة وغير مفهومة, مفكرتش دي ممكن تكون مين, سواء مهندسة أو واحدة من قرية مجاورة, بس ده كان نداء منها انها عاوزاني, وانا في الوقت ده عاوزها جدا كمان..

قربت منها ولما وصلت للونش لقتها هناك عند الونش التاني, مشيت ناحيتها وانا مبتسم بس مكنتش عارف أوصلها, وكأني كل ما بقرب منها بتبعد, مشيت أكتر وكل ما كنت خلاص هوصل الاقيها بقت في مكان أبعد, لحد ما لاقيت نفسي بعيد عن الموقع وواقف في قلب الجبل, وقتها شوفتها قدامي ومدياني ضهرها وواقفة ورا صخرة كبيرة..

قربت منها ومسكت حصوة صغيرة وحدفتها عليها عشان تبصلي وانا مبتسم جدا, لقيتها بتبص ناحيتي ببطئ شديد, ووقفت مكاني زي المشلول, كان وشها عامل زي وش القرد, مُشعر ولونه اسود وعنيها حمرة بلون الدم, رجعت بسرعة وانا بتنفض لقتها بتقرب مني بابتسامة شيطانية وعمالة تقول:

– انا اللي هتجوزك واغنيك عن كل بنات البشر واخليك تشبع من الجنــ . ــس

وشدتني لقلب الصخرة من رجلي عشان الاقي نفسي في مكان غريب عامل زي الكهف, وفيه ستات كتير شبه الست دي, كنت واقف وسطهم زي المتخدر, اتكلمت معاهم بلغة غريبة مكنتش فاهمها ولقتهم بدأوا يصيحوا زي الحـيــ . ــوانات, وفهمت بعدها انهم بيباركوا جوازي انا والبنت دي..

انا رجعت تاني للموقع, رجعت وانا عقلي خفيف ولساني تقيل أوي وشكلي متبهدل, مش فاكر ايه حصل بيني وبينها غير اني اتجوزتها, ومن تاني يوم مدير المشروع مشاني من الموقع بسبب حالتي الصحية ورجعت على البيت, ابويا كان هيتجنن ومكانش فاهم انا فيا ايه..

بس هي اشترطت عليا بعدها اني أبات يوم في بيتي ويوم في بيت مهجور بعيد عن بيتنا بمسافة كبيرة, وبقيت غصب عني لازم أروح وإلا هتقــ . ـــتلني, أبويا فضل تلت سنين بيجبني من البيت المهجور كل شوية لحد ما زهق وفقد الأمل في علاجي, وبقت حياتي تقريبا كلها في البيت ده, بحكي حكايتي ومحدش مصدقني, بقولهم إني مخلف منها ودلوقتي ليا أولاد منها, الجنية دي اسمها الغنجمية..

شافتني وانا بتهجم على حبيبة فاشتهتني وقررت اننا نتجوز, وانا لحد دلوقتي متجوزها ومخلف منها, ومش هتسبني غير لما أمــ . ــوت, بعض الناس بيقولوا ان حصلتلي حـ .ــادثة في الموقع وحاجة وقعت على راسي وصلتني للحالة دي, بس انا بقول انها الغنجمية السبب وياريت تحكوا حكايتي لعل وعسى حد يساعدني..

بس مين هيساعد واحد كان واخد طريق الزنا بكل سعادة, واحد انتهك حرمات كتير وأفسد بنات كتير, واحد قرر يغتصب بنت عفيفة محترمة عشان يرضي غريزته فكانت النتيجة هو الجواز, بس مش جواز من أنسية, لا جواز من الجن, واحد ربنا رفع حمايته عنه وسابه لشرار الخلق عشان يدوق من شر أعماله..

“ولا تقربوا الزنا”