حكاية سها

كنت واقفه بسمعهم وكلامهم بينزل عليا زي السكاكين بتقطع في قلبي انا حاسه اني في كابـ,ـوس .. معقول الي بسمعه ده حقيقه؟

رجعت بالذكريات كام سنه لورا .. وشوفت نفسي انا وماما واحنا قاعدين قدام الظابط بنعيط ومنهارين .. بص لي وقال اهدي يا انسه (سها).. وحضرتك يا مدام ارجوكي اهدي علشان اعرف اكمل التحقيق.. ماما قالت له وهي بتعيط معلش يافندم اصل الصدمه كبيره علينا اوي لحد دلوقتي مش مصدقه ان جوزي وعشره عمري وابو بنتي ما*ت ده انا عيشت معاه عشرين سنه ع الحلوه والمره .. الظابط سالها حضرتك تفتكري مين قـ,ـتله؟ كان له اعداء؟ .. سكتت شويه وقالت وهي متردده اعداء؟ لا خالص سعيد جوزي كل الناس كانت بتحبه.. وكان خيره علي كل الناس انا مش متصوره ان ممكن حد يكرهه لدرجه انه يقلته .. الي عمل كده اكيد مجـ,ـنون.. بص لي الظابط وسالني .. وانتي يا انسه سها بتكشي في حد ؟.. انتي الي اكتشفتي الحـ,ـادثه مشوفتيش حد وقتها؟ قولت له وانا منهاره معرفش انا اول مدخلت البيت وشوفته غرقان في دمه صوتت ومحسيتش بنفسي غير وانا في المستشفي..

وانتهي التحقيق علي كده ومحدش عرف مين الي قـ,ـتل بابا

انا سها سعيد وحيده بابا وماما ودلوعه العيله كلها.. بابا كان صاحبي واخويا وابويا كان حنين عليا اوي كنت مطمنه وهو جنبي عمري ماخـ,ـوفت من حاجه لانه كان دايما في ضهري لحد ما جه اليوم الي كل ده راح في لحظه.. كنت راجعه من الكليه في اليوم ده من وماما كانت عند جدتي في اسكندريه بقي لها يومين لانها كانت تعبانه .. اول موصلت البيت لقيت باب الشقه مفتوح و.. لما دخلت لقيت بابا واقع في الصاله غرقان في دمه .. مقدرتش اتحمل الصدمه و غبت عن الوعي ولما فوقت عرفت ان الي شوفته كان حقيقه مش كابـ,ـوس .. البوليس بعد محقق في الموضوع فتره مقدرش يوصل للقاتل وللاسف القضيه اتقيدت ضد مجهول واتقفل المحضر

ولما رجعت البيت كنت حاسه ان قلبي اتخلع من مكانه مش مصدقه ان ده حصل واني خلاص مش هشوف بابا تاني

وماما كانت بتواسيني وتصبرني .. وقالت لي ده امر ربنا يابنتي ملناش يد فيه .. قولت لها بس انا مش هنسي الي حصل ومش هرتاح الا لما اعرف مين الي عمل كده وارجع حقه وانتقم من القاتل.. سالتني وهي متردده وانتي هتعرفي القاتل ازاي؟ اذا كان البوليس نفسه معرفش.. بصيت لها وقولت لها مالك يا ماما انتي عارفه حاجه ومخبياها؟.. لو شكه في حد قولي لي