رواية نسيم العشق كاملة جميع الفصول بقلم يارا عبدالعزيز

خرجت نادين، عيسى بص لجنة بحب، مسك ايديها وسحبها وراه وقعد على الكرسي وقعدها على رجله، حط كف ايده على خدها

عيسى بحنية:- عايزة تعيطي عيطي

جنة:- وانا هعيط ليه يعني ولا فارق معايا ومكنش لازم تمثل عليا ان مفيش ما بينكوا حاجه

بص الناحية التانية وهو بيقبض ايده بغضب اخد نفس عميق وبصلها

عيسى:- بيتشك فيا تاني على الرغم من اني محذر قبل كدا من الموضوع دا 

لا حول ولا قوة الا بالله العلي العظيم ♥️

جنة بدموع:- انت مشفتش العشم اللي كانت بتتكلم بيه وكأنها هي اللى مراتك كملت بغيظ وهي بتـ شـوح بأيدها وبتبص لفوق 

:- لا وبتقولي انتي مين آسفة مخدتش بالي قولت اسيبكوا انا بقى وكنت هبعتلكوا اتنين ليمون

عيسى:- شكلك انتي اللي عايزة الليمون دلوقتي يجنة وانا ونادين كل اللى بينا شغل وبس هي حاولت معايا كذا مرة بس كنت بصدها لاني مش هعرف احبها ولا احب حد تاني غير

قال جملته وسكت 

جنة:- غير مين 

عيسى:- مفيش

جنة ببكاء:- ايوا معناها ان فيه حد فى قلبك عشان كدا لا عارف تحب الحلوة اللي كانت هنا ولا حتى عارف تحبني

عيسى ببأبتسامة اظهرت وسامته اللي جنة تاهت فيها

:- انتي عايزيني احبك

دفنـ”ت راسها فى صدره وهي بتبعد عن نظراته ابتسم عليها بحب واتكلم بحنية 

:- ممكن تبصيلي

جنة:- لا هو انت بجد بتحب حد 

عيسى ببأبتسامة وهو بيحط ايده على خدها

:- بحب امي يجنة وبحب حنين ومراتي عمي صفاء

جنة:- مفضلش غيري فى العيلة كدا 

عيسى:- انتي تختلفي انتي مراتي حبي ليكي المفروض يكون مختلف بس قبل اي حاجه انتي بنت عمي 

جنة:- مش فاهماك

عيسى:- ولا هتفهمي المهم هتفضلي متبصليش كدا كتير

جنة جت تقوم بخجل: انا آسفة

عيسى مسك فيها وشدها عليه اكتر

:- يا ريتك تفضلي كدا على طول بس لازم اجهز للاجتماع قولتلك متجيش

جنة:- طب سابني واشتغل وانا مش هزعجك والله 

عيسى:- ما هو انا لو عارف اسيبك كنت سبتك

جنة بتلقائية وهي بتحط راسها على صدره

:- انا برتاح اوي اوي كدا

فضلوا ساكتين لفترة وهم مستمتعين بقربهم من بعض لحد اما قاطعهم خبط الباب، جنة جت تقوم عيسى مسك فيها اكتر

عيسى:- خليكي متبعديش عني 

عيسى ضغط على تلفيون جانبه واتكلم بجدية

:- ابعتيلي الملفات على حسابي ومتخليش اي حد يدخل 

: تمام يفندم

جنة:- انا آسفة عشان بعطلك وانت اصلا مسافر مخصوص عشان شغلك 

عيسى:- بالعكس وجودك جانبي هيخليني اطلع كل طاقتي فى الشغل

جنة:- اما يجي وقت الاجتماع انا همشي خلي حد يوصلني البيت

اللهم صلي وسلم وبارك على سيدنا محمد وعلى اله وصحبه اجمعين ♥️

عيسى:- ليه ما تخليكي

جنة:- لا عشان معطلكش وهستناك على العشا هعملهولك بأيدي 

عيسى بحب:- تمام 

حط اللاب قدامه على المكتب وهي لسه قاعدة على رجله ودافـ”نة رأسها فى عنقه بعد عشر دقايق كانت ذهبت فى نوم عميق، حس بأنتظام انفاسها، شالها بحب وحاطها على الكنبة برفق قعد جانبها على طرف الكنبة ومشى ايده على خدها وطبع قبلة صغيرة عليه 

عيسى:- بحبك 

با”س خدها مرة تانية واتكلم بهمس:- انا بعشقك يجنة

دفـ”ن رأسه فى عنقها وفكلها طرحتها لينسدل شعرها الحرير امامه استنشق ريحته بحب كبير

كان لسه هيقرب من شفايفها بس فاق من توهانه فى جمالها وهو بيـ”لعن نفسه