نزلت عشان اكلم حمايا ويا ريتني ما نزلت
نزلت عشان أكلم حمايا و ياريتنى ما نزلت لأنى أتصدمت حرفيا لما سمعت صوت عياط بصيت من فتحة المفتاح اللى فى الباب
_مين البت دى يا بابا
بت.. إسمها ليلى يا يونس… و أعمل حسابك إن ليلى ه تعيش معانا من هنا و رايح!
ضحكت و فكرته ب يهزر_تعيش معانا حتة واحدة!… قصدك خدامة جديدة… مش بطالة
يونس!… إلتزم حدودك ليلى بنت بدر صاحب الفضل إن عايش من بعد ربنا و فدانى ب روحه
… ما تزعليش يا بنت
لا عادى يا عمو عزت بس انا ممكن أرجع أعيش مع عمتى من تانى
_يكون أحسن برضوا
أسكت يا يونس حذار تتكلم مع ليلى ب الطريقة دى من تانى…. و انت يا ليلى أطلع أوضتك مع أم أحمد
طلعت ليلى الأوضة فعلا و كأنها ما صدقت تيجى تعيش هنا أكيد الناس اللى زيها ب ينتهزوا طيبتنا و تعاطفنا معاهم!
_هو انا ممكن أفهم اللى حضرتك ب تعمله ده
انا حر يا يونس زى ما انا سايب لك الحرية
و ما تفتكرش إن شغلك فى القسم ه تيجى تطبقه عليا يا سيادة الرائد
دخلت ماما على صوتنا و وقفت قصاد بابا.
فى ايه يا عزت بس معلى صوتك
فى ان البيه ب يحاسبنى أقعد مين فى بيتى و مش عاجبه إن ليلى بنت بدر تعيش معانا!
انت جيبتها برضوا يا عز جيبتها!!
انا مش عارفة ليه مصر تبوظ شكل حياتنا
و بدأت مشكلة ك العادة بينهم دايما اى حدث ب يحصل ب ينتهى ب خناقة!
حصرى على حكايات سارة
طلعت أوضتى و انا مخڼوق و انا معدى ب الصدفة لقيت باب أوضتها مفتوح بس ما شوفتهاش سمعت صوت نحيب غريب أوى المشكلة إن صوت نحيبها ما ب يوقفش!
بس انا مالى بيها
مالك يا يونس سرحان فين
_زهقت و أتخنقت يا دينا… المهم كلمت باباك فى موضوعنا
ما انت عارف يا يونس الموضوع ده ه ياخد وقت… خصوصا إن بابى مسافر
_مسافر ولا رافضنى
مش كده يا يونس بس انت عارف بابا مش ب يقبل اى حد و…
_مش ب يقبل اى حد ولا مش ه يقبلنى انا… دينا انا زهقت لحد إمتى
خلاص يا يونس ه أحاول أقنعه
_تحاولى… لما يبقى يوافق أبقى قوليلى… سلام
مشيت و زادت خنقتى دينا عرفتها من سنتين و كانت فترة كافية اتعلق بيها لكن أبوها رافضنى انا ب الذات!!
