وقعت ض@حية لأفعالها كاملة بقلم سيمونا.

لبنى بصد@مة: ورم خبيث ف الرحم 
الطبيب بأسف: ايوة ومحتاجة تعملى عمليه عشان نستأصل الورم ده واحتمال كمان نشيل الرحم 
لبنى بدموع: هو انا ممكن اموت ي دكتور 
الطبيب بعملية: الاعمار بيد الله بس ان شاء الله العمليه تنجح هى الأمل نسبته فيها كويس وانا عاملها لستات كتير و٧٠ ف الميه نجحت منهم يعنى نسبة النجاح كبيرة انا عارف ان هى عمليه صعبة بس دا ابتلا.ء من ربنا ولازم تصبرى عليه 
لبنى بدموع ونعم بالله 
الطبيب: وبعدين لحسن حظك انك ارملة وعق.يمة يعنى مش هيكون ف حاجة كده خطر على حياتك ودا سهلنا المهمة شوية 
لبنى بتوتر: ايوة ي دكتور.. طيب والعمليه دى هعملها امتى وهتكلف كام 
الطبيب: والله احنا لازم نعملها ف اسرع وقت عشان الورم زى م قولتلك خبيث وهينتشر ف خلايا جسمك بسرعةف احنا لازم نعملها بكرة يعنى ع الساعة ٥ كده ان شاء الله 
وبالنسبة للتكلفة ودا عشان خاطر الست كريمة انا والله بعملها ب ١٥٠ الف ان عشان خاطرك انتى ومامتك هعملها ب ١٢٠ 
ابتلعت لبنى ريقها بتوتر وقالت: ك كتر الف خيرك ي دكتور متشكرة بكرة ان شاء الله هاجى ف المعاد
الطبيب: تعالى قبل المعاد عشان نحضرك للعمليات والروشته دى هاتيها مهاكى عشان لا قدر الله لو حسيتى ب اضعاف لحد بكرة 
لبنى بذبول: تمام ي دكتور كتر خيرك 
…..
ف فيلا سعيد العمرى 
خالد بانبهار: ايوووة يا جدعان هو فى جمال كده متجوزهالى ينبكو ثواب
هبه وعدى بتفاجئ وبصوت واحد: خالد 
خالد بمزاح: ايوة خالد يا جز.م بتجيبو مز.ز ف البيت من غيرى 
عدى وهو يضع يده على فمه: اشس اسكت الله يخربيتك م صدقنا البت نامت تعال نتكلم برة 
☆اعرفكو ☆
دا خالد اخو عدى الصغير عنده ٢٧ سنه كان مسافر امريكا بيحضر الدكتوراة هناك لمدة سنه 
وسيم جدا دمه خفيف بس طبعه شديد عدى وسعيد بيخافو من قلبته جدا عشان كده بيتاحشوا يزعلووه 
☆نكمل☆
خرجوا من الغرفة ليتركو تقى تنام براحتها 
عدى وهو يحتضن اخوه بحب اخوى: حمدالله على سلامتك يا وحش خلصت الدكتوراه بسرعة كده هههه
خالد بعتاب: اه م حضرتك لو كنت فتحت تليفونك من يومين كنت عرفت انى جاى النهاردة قافل تليفونك ليه سيادتك 
عدى باسف حقيقى: حقك عليا يا خالد انا عارف انى مقصر معاك ب بس تقى تعبت جامد وخدت اجازة من الشغل وكان لازم اقفل الفون عشان محدش يزعجنى 
خالد باستغراب: مين تقى الل  انت عامل عليها كل ده وخايف عليها كده تكونش هبه غيرت اسمها وبقا اسمها تقى ههه لا بجد مين تقى دى 
هبه محاولة انقاذ الموقف لانها تعرف خالد جيدا: د دى بنت عمى ي خالد بنت يتيمه عمى ما.ت ومامتها لسه ميته فقلت اجيبها تعيش معانا هنا لحد م تعدى الازمة اللى هى فيها عشان كده بس تلاقى عدى متأثر من اللى حصلها انها بقت يتيمة ام واب ويا حرام من الصد@مة لحد دلوقتى مبتتكلمش
خالد بتأثر: لا حول ولا قوة الا بالله تصدقى صعبت عليا 
يلا ربنا يتم شفائها على خير ثم اكمل بمزاح بس دا ميمنعش انك هتجوزهالى بردو واذا كان ع الازمة دى يا ستى انا هخرجهالك منها ف ظرف اسبوع ها قولتى اى 
لكزه عدى ف كتفه: ي شيخ اتنيل احنا ف اى ولا ف اى انت ياد استريحت من السفر لسه دا انت حتى مسألتش على ابوك 
خالد بسرحان: م القمر ي عم نستمى كل حاجة ههه هو فين ابوك صحيح 
عدى بغيظ: ابوك يا اخويا عند عمك وجدى صاحبه قال هيقعد هناك اسبوع 
خالد بلامبالاة: ماشى يجى بالسلامة 
….
ف المساء 
عدى: يلا يا هبة نادى على تقى عشان تتعشى احنا م صدقنا انها بدأت تنزل وتاكل معانا 
خالد بمقاطعة: هطلع انا انده عليها 
عدى برفض: لا يا خالد بلاش انت خلينا ف خلصو البت مش حمل صدمات تانى
خالد باصرار: بالله عليك يسطا انت تعرف عن اخوك انو بتاع صدمات 
دا انا غلبان هناديلها وانزل علطول 
عدى باستسلام: خلاص ي زنان علطول بس اوعى تضايقها يا خالد الا ازعلك 
خالد: خلاص ياعم ثم وجهه كلامه لهبه وغمز لها خلى بالك يا هبه من جوزك يا هبه الا يطير منك ههه