قصه عملوا فيا كل حاجة
خلصت عملية نقل الډم ما بينهم و خلص نائل شغله…
و لسه هيقعد على كرسي عشان يرتاح اتفاجئ بموبايله بيرن و كانت المستشفى.
رد على الموبايل بتعب
ممم نعم.
الطرف التاني بصوت عالي متوتر
الحقنا يا دكتور حالة ولادة متعسرة و جوزها مكسر الاستقبال هنا.
غمض عينه بتعب و قال بهدوء
حاضر أنا جاي أهو أقل من خمس دقايق.
و قفل الخط…
ده كله تحت أنظار سليم الباردة..وقف نائل و بجدية
هروح أشوف المستشفى و لو احتاجتني كلمني.
وقف سليم و بهدوء
متشكر يا نائل تعبتك معايا و اتفضل ده حسابك.
طلع فلوس من جيبه و قربها لنائل اللي رفض إنه ياخدها و پغضب
أنت بتستهبل متخليش زعلك مني يبقى بالشكل ده..
خرج نائل من الأوضة بعصبية و فضل
سليم في مكانه بيفكر..عارف إن نائل متهور و عصبي لكن نظراته المتهمه ليها ضايقته جدا فحب يمشي كل حاجة رسمية و يبعد نائل عن طريقهم الأيام الجاية..لكن نائل فاجئه برد فعله.
قطع تفكيره صوتها الضعيف..لف ليها و قرب منها و بدأ يسمع هي بتقول ايه…
كانت بتتحرك بضعف و هي بتقول بترجي
لا متعملوش في ابني كده..لا..خ..خالد..ابننا.
نزلت دموعها و هي نايمة و فضلت تكرر الأسماء دي..
غمض عينه پغضب من الكلام اللي بتقوله و فتح عيونه لقاها بدأت تفوق و تفتح عيونها.
بعد عنها بسرعه و راح قعد على كرسي جمب السرير و استناها تفوق.
بدأت تحرك رأسها بتعب و فتحت عيونها و حاولت تتحرك لكن صړخت بۏجع و حطت أيدها على بطنها فعرفت اللي حصل.
لهيب قسوتك..بقلم نورهان نصار
نزلت دموعها و بقت تقول پقهر
حرام عليكم اللي عملتوه…مش مسمحاك على اللي عملته في ابني.
و بصت حواليها على أساس إنها هتلاقيه لكن لقت أخر شخص كانت تتوقع وجوده!!!!
