قفل باب الشقه وبصلى بهدوء وانا كنت واقفه مكسوفه

قفل باب الشقه وبصلى بهدوء وانا كنت واقفه مكسوفه قطع الصمت ده لما هو قال
ليل:ادخلى غيرى هدومك ونامى
ماصدقت أنه قالى كده ودخلت فعلا اوضه النوم وبدأت اتجرد من فستان فرحى ودخلت اخدت شاور ولبست قميص نو*م قصير وقعدت استنى ليل….لكن…لكن عدى حوالى ساعه تقريبا وهو لسه فى الاوضه التانيه نعست ونمت على نفسى مكنتش قادرة كان يوم متعب بالنسبة لى
ليل:قومى ياكيان اهلك بره
كان صوت ليل اللى صحيت عليه الصبح وهو بينادينى عشان اهلى وصلوا..فتحت عينى كان بيبصلى بنظرات غريبه مفهمتهاش غطيت نفسى كويس وانا بقوله
كيان: صباح الخير
ليل بهدوء: صباح النور يلا قومى اللبسى عشان اهلك بره
كيان:حاضر

طلع ليل من الاوضه وانا قومت لبست عبايه استقبال وحطيت بعض لمسات الميك اب الخفيفة وطلعت
“بره”
والده كيان:صباحيه مباركه ياعروسه
كيان:الله يبارك فيكى يا ماما
قعدنا بعد مااهلى باركولى جبتلهم عصير وجاتوه وفضلنا نتكلم ونضحك وبعد شويه أهلى واهله اللى جم من نص ساعه مشوا
قام ليل من غير كلام دخل اوضه الاطفال وانا كنت قاعده مش فاهمه حاجه هو ماله؟!!!طب لى حساه مش طايقنى!!!أو او حساه خايف من حاجه؟!!!
دخلت اوضتى وغيرت هدومى لبست بيجامه ب شورت قصير وقعدت افكر كنت جعانه قررت اقوم اكل اى حاجه
طلعت من الاوضه بصيت على اوضه الاطفال خبطت ودخلت بعد ما ليل سمحلى أنى ادخل
كيان:احم انا هعمل فطار هتاكل معايا؟!