قفل باب الشقه وبصلى بهدوء وانا كنت واقفه مكسوفه
![](https://msakentv.com/wp-content/uploads/2024/05/900.jpg)
“عند ليل”
بيتكلم فى الفون
ليل:كله تمام
الشخص:****
بعد حوالى ٤ ساعات سمعت صوت الباب بيتفتح بصيت نحيته اتفتح بالفعل ودخل ليل وفتح نور الاوضه من بره
بصلى وقالى وهو بيفتح دراعاته:تعالى
جريت نحيته وحضنته:سيبتنى كتير اوى
ليل:انا اسف كان ورايا كم حاجه اعملها وبعدين مفيش حاجه هنا تأذيكى
كيان:انا عاوزه اكل
ليل:طيب يلا انا جبت اكل من بره تعالى ناكل
كيان:يلا
بعدت عن حضنه وكنت همشى لكنه قال:انتى كويسه؟
كيان وهى مدياله ضهرها قالت بسخرية:كويسه
مشيت طلعت بره قعدت وانا حاسه ان فى اكيد حاجه غريبه بتحصل انا مش عارفاها طب مادام هو بيحبسنى ويعمل فيا كده لى خايف عليا!!!انا تعبت وتايهه مش فاهمه حاجه..قطع تفكيرى لما جه وقعد جمبى
ليل:انتى بتحبى الكريب مش كده
كيان:امم
ليل: وعشان كده جبتهولك
ابتسمت وانا عاوزه اسأله عن اللى بيحصل لكن خوفت يقلب وشه عليا…
ليل:يلا كلى مستنيه اى
كيان:حاضر
“بعد فتره خلصنا اكل وفضلنا قاعدين من غير كلام”
كيان:انت لى بتعمل كده
ليل:كده ازاى يعنى
كيان:بتحبنى وبتعذبنى بتكسرنى وخايف عليا!!ازاى كل ده متجمع فى شخص واحد
ليل:اطلعى نامى
كيان:مش هطلع ولا هقوم من هنا غير إما افهم
ليل بحده: اطلعى نامى ياكياان مش هقول تانى
كيان بتذمر:اووف بقااا انا زهقت خليك جرئ لو لمره واحده في حياتك
ليل:عايزانى ابقى جرئ
كيان وقد فهمت مقصده:مش اللى فى دماغك وبطل قله ادب وخلى فى بالك اللى عملته مش هيعدى بالساهل يااستاذ ليل