قفل باب الشقه وبصلى بهدوء وانا كنت واقفه مكسوفه
ليل وهو يحاول ان يهدء من روعه:ادخلى غيرى القرف ده يا اما مش هنخرج
كيان بتذمر:اووف بقا انا زهقت هو كل حاجه بمزاجك
ليل:انا مش هتكلم كتير
كيان:يارب صبرنى وبعدين كل لبسى كدههه اللبس انا اى يعنى انا مش فاهمه اى الضيق فى دهه
ليل:انا قولت ضيق يعنى ضيق وسعى كده انا هختارلك تلبسى اى
كيان:اما نشوف اخرتها
بصلى بعينه بحده ف سكت بتوتر
ليل وهو بيقلب فى الهدوم:هختارلك طقم وبعدين واحنا بره هنشترى جديد
كيان:ماشى
ليل:ها يلا خدى ده حلو واعتقد هيبقى واسع
كيان:هلبسه وهاجى
ليل:اجى اللبسك…نهى كلامه بغمزه
كيان بغضب ضربته فى كتفه بغيظ:بطل قله ادب واتلم
دخلت التواليت وسيبته بيضحك على كلامى
بعد شويه كنا فى العربيه فى طريقنا لمكان ما..
كيان:ممكن تقف هنا
ليل وهو بيسوق:لى
كيان:اقف بس محتاجه اتكلم معاك
ليل وقد فهم ماتقصده:بلاش كلام دلوقت
كيان:من فضلك اقف ياليل
وقف العربيه على جنب وبصلها..ليل:ها اتكلمى
كيان:بس متتعصبش
ليل:انجزى
كيان اخدت نفس عميق:انت لى بتعمل كده انا عايزه افهم؟
ليل:مش قفلنا الموضوع ده خلاص
كيان بعصبية:لا مقفلناش الموضوع ياليل الموضوع هيفضل مفتوح مادام انا لسه مفهمتش
ليل بحده:متعليش صوتك عليااا
كيان:هعلى لانى اتخنقت اللى انت بتعمله مش طبيعى مش طبيعى انك تبقى طيب وفجأه تبقى بنى ادم بدون رحمه انا مراتك مش واحده جايبها من الشارع
ليل بسرعه وعصبيه:مهو كان بيعملل كدهه كل اللى كنت بشووفه كان بيعذبها وبيعمل فيها نفس اللى انا عملته فيكى بالظبط انا اتعلمت كده من صغيرى معرفش ده صح ولا غلط بس اللى متأكد منه انى فاكر كل حاجه كانت بتحصل كنت بسمع صراخها وهى بتقوله سيبنى زيك كدهه
كيان:هو ميين؟!!
ليل:بابا
كيان بصدم#مه:بباك كان بيعمل كده فى مامتك
ليل بتذكر:ايوه وانا صغير كان بيعمل كده بس هى سابته لما تعبت منه وهو هو بعد عنها
كيان:الله يرحمه م…
ليل بسرعه:بابا عايش
كيان بصدم#مه:ايه؟؟؟؟؟بباك عايش عايش ازاااى انت انت كدبت عليا وقولتلى انه م١ت انا كنت خطيبتك وعارفه انه م١ت حتى اخواتك ومامتك مقالوليش انه لسه عايش
ليل بسخريه:اقولك الصدم#مه الأكبر…
كيان بصتله بصدم#مه منتظره كلامه
ليل:الراجل اللي كان موجود تانى يوم جواز لينا ده مكنش معرفه قديمه ليا ولا حاجه ده بابا
كيان بصدم#مه:يعنى اى يعنييي ايي
ليل:وكنت بكلمه كل يوم فى الفون كمان و
كيان بصراخ:كفااايه انت انت شخص بشع يعنى..يعنى هو اللى كان بيخليك تعمل فيااااا كدههه صححح انا تعبت منك بجد تعبت استحاله اعيش معاك تانى انت فاااهم بباك مفهمك من وانت صغير حاجات غلط عن الجواااز
ليل:اعملل اى تخيلى كده طفل عاش فى اسره كلها عنف وكان بيشوف بباه بيعمل كدههه عاوزانى اطلع عامل ازااااى
كيان:ازاى مكتشفتش ده من وقت الخطوبه دايما كنت ساكت فكرتك ملتزم بقواعد الخطوبه لكن لكن طلعت مريض نفسى
ليل بزعيق:*****
كيان:ازاى مكتشفتش ده من وقت الخطوبه دايما كنت ساكت فكرتك ملتزم بقواعد الخطوبه لكن لكن طلعت مريض نفسى
ليل بزعيق:اسكتييي متقوليش مريض نفسى انا مش مرييض
كيان:لا مريض اللى يعمل كده ويبقى تفكيره عن الجواز كده يبقى مريييض
ليل بصلى بحده كانت عيونه بتلمع بالدموع وكأنه بيقولى ده مش ذنبى انا كنت طفل
قربت منه بس المره دى محضنتهوش بصراحه مكنتش طيقاه ده طلع بيكدب عليا وانا استحاله اسامح شخص كداب….حاوطت وشه بإيديا وانا بقوله
كيان:هتسمع كلامى؟؟
ليل:كلام اى
كيان:انت لازم تتعالج
ليل بعصبيه نزل ايدى من على وشه:انت اكيد اتجننتى اتعالج من اى انا كويس اهو
كيان:لا مش كويس تفكيرك عقيم وده كان تفكير والدك وفضل يزرع تفكيره جواك لحد ماثبت فى دماغك افهم مش غلط انك تتعالج ولا عيب..العيب ياليل اللى انت بتعمله واللى معتقده صح
ليل:مش هتعالج ياكيان انا مش مريض افهميي
كيان:افهم اى افهم حاجه غلط؟؟
ليل:مش هتعالج واللى عايزاه اعمليه
كيان بهدوء:لو متعالجتش انا مش هعيش معاك
بصلى شويه وهو ساكت:مش هطلقك ياكيان انتى مراتى وعارفه انى بحبك
كيان بزعيق:وهو اللى بيحب حددد بيعمل فيه كده انت مش فاهم انت عملت فيا اى انت عملت مصيبه فوووق ياليل فووووق والدتك لو عرفت اللى عملته مش عاوزه اقولك هتعمل فيك اى ولا اهلى لو عرفوا اللى انت عملته مش هيخلوك تلمحنى بس كده ف ياتتعالج يا مش هبقى على زمتك ليله واحده
ليل:كيان متعصبنييش ومتجيبيش سيره الطلاق تااانى
كيان:هجيب مادام مش هتتعالج انا مش هعيش مع واحد مجنون
ليل:بلاش اوريكى الجنون على أصوله
كيان:ده انا شوفت الجنون من اول يوم اتجوزتك فيه ودلوقت روحنى انا مش عايزه اخرج ولا اتزفت
ليل بحده:هنروح نشترى الهدوم ولا عايزه تلبسى الضيق اللى عندك
سكت وسندت على ازاز العربية وفضلنا ماشيين بالعربيه لكن لكن جاتلى فكره ولازم انفذها…
روحنا مول كبير ودخل معايا وفضل يختارلى الهدوم الواسعه واللى لايقه عليا بصراحه وقتها كنت فرحانه لكن الخطه اللى فى دماغى مش قادرة اوقف تفكير فيها كان بيعاملنى كأنه طفل اتظلم وهو صغير مش ذنبه ان شخص زى ده ابوه…خلصنا و..
ليل:يلا تعالى نروح نتغدى فى مطعم
كيان:بس انا مش جعانه انا مرهقه وعاوزه اروح ارتاح
ليل:انتى مكلتيش ازاى مش جعانه
كيان:انا ب
ليل بمقاطعه:اللى بينا مهما كان مشاكل ده ملهوش علاقه بالاكل أو بعلاقتنا عموما يلا عشان ناكل
كيان:تمام
ركبنا العربيه بعد ما حطينا الهدوم فى شنطه العربيه واتجهنا للمطعم
ليل: تطلبى اى
كيان بتوتر:اى حاجه
ليل بشك:مالك؟؟
كيان:مفيش حاجه
ليل بصلى وسكت…بعد شويه كنت باكل مكرونه لكن لقيته مد ايده بمنديل ومسح بجانب شفايفى الصلصه اللى موجوده…ابتسمت بتوتر مكنتش عارفه اسيطر على نفسى
ليل:نطلب عصير ونروح
كيان:تمام
طلبنا عصير وشربناه وهو كان بيحاول يتكلم معايا لكن انا لسه بفكر هعمل اى فى اللى فى دماغى
بعد ساعه تقريبا كنا وصلنا البيت…دخلت غيرت هدومى
كيان:احنا مش هنروح بيتنا التانى بقا
ليل:وماله البيت ده مهو حلو بردو
كيان:لا مش حلو ياليل بيفكرنى بحاجات مش عايزه افتكرها
ليل مسكنى من دراعى:لى مصممه تفتحى الموضوع ده كل شويه انتى غاويه نكد
كيان بصوت عالى نسبيًا:انا مش غاويه نكد والموضوع منتهاش الموضوع مفتوح لأن انت فى اقرب فرصه ليك لو سمحتلك تعمل فيا زى ماعملت قبل كده هتعمل بدون رحمه انت مريض ياليل لازم تفهم ده
ليل بزعيق:كياااااااااان قولتلك متقوليش كدهههه تانى
كيان:هقووول لحد ماتوافق انك تتعالج
ليل:ولما بحبسك بتزعلى
كيان:شووووفت عاوز تحبسنى يبقى الموضوع منتهاش
ليل:افهمييي انا اتربيت على كده ودى طباعى اعمل اى يعنى
كيان:تتعالج تتعالج يامريض سيبنى سيبنى وبطل تحبسنى وسيبنى اروح لاهلى انا بدأت اكرهككك
ليل زقنى وقعت على السرير
ليل:اتخمدى ومسمعش صوتك خااالص
كيان فى بالها:ماشى ياليل انا هوريك
غمضت عينى وانا بخطط انى خلاص هنفذ كل حاجه بليل
*فى الليل*
صحيت من النوم كان ليل لسه نايم مسكت موبايلى واتصلت على رقم المصحه النفسية جبته من على الفيس وبدأت احكى عن حاله جوزى وانه لازم يتعالج اتفقو معايا انهم هيجوا بكره الصبح على الساعه ٩ كده وبعدين قفلت الموبايل دخلت براحه بدأت احط هدومى فى شنطه السفر بتاعتى وطلعتها حطيتها جنب الكنبه بره بعدين دخلت اصلى ركعتين لله ودعيتله ان ربنا يشفيه ويبعد عنه اى حاجه وحشه انا عارفه انه مش ذنبه وان الغلط على والده بس انا لازم اساعده كمان مش هقدر اعيش فى العذاب ده تانى…
خلصت صلاه وخلعت الايسدال بتاعى ودخلت نمت جنبه على السرير دخلت جوه حضنه حضنته بقوه وكأنى بودعه دمعه منى نزلت على خدى من غير مااحس معرفش امتى بدأت اعيط…معرفش بعيط على حالى ولا عليه ولا على انى فى بدايه جوازى وحصلى كل ده مسحت دموعى وانا لسه حضناه وهو بدأ يتحرك فى وقفت حركتى عشان ميصحاش لقيته ضمنى له بس هو كان نايم مش حاسس بحاجه غمضت عينى وحاولت انام لحد مانمت بالفعل وانا بين احضانه..
*فى الصباح*
كان ليل قاعد على كرسى فى اوضه النوم ماسك فونه لحد ما سمع خبط قوى على الباب… نزل فتح
ممرض:انت ليل الشهاوى
ليل بإستغراب:ايوه انا
الممرض بص لاتنين تانين وشاورلهم بدأو يمسكوه وهو عرف منهم انهم تبع المصحه كنت واقفه على السلم بعيط بقهر لحد ما هو بصلى بحزن وضيق وووو
ليل:***
ليل:انتى اللى عملتى كده
كنت بعيط مش قادرة حتى ارد لحد ماعافرت مابين شهقاتى وقولتله:ده عشانك وعشان اللى حواليك صدقنى ده الصح انت لازم تتعالج
ليل:وانا قولتلك لااا انا قولتلك مش عايز اتعالج و..
قاطعه الممرضين وهم بيمشوه وخدوه على العربيه قعدت على الارض بعيط بقهر مش عارفه لى كده كل حاجه مقفله فى وشى قومت جبت شنطتى وحجاتى وفتحت الباب وبصيت على الشقه اخر مره ومسحت دموعى قفلت الباب ونزلت مشيت فى الشارع انا معرفش المنطقه دى اى غير اسمها حتى معرفش احنا فين فضلت امشى لعل وعسى الاقى حد يساعدني…
مشيت فى الشارع لقيت عربيه وقفتها كان شاب فى العشرينات حوالى ٢٧ سنه فتح شباك العربيه
هو:فى اى ياانسه محتاجه مساعده؟
كيان:انا…انا مش عارفه انا فين ممكن توصلنى عند**
هو:ايوه بس ده بعيد هياخد حوالى ساعه مثلا
كيان: يعنى مش هينفع تساعدنى اروح هناك
هو:اركبى وامرى لله
بصتله شويه..
هو:اركبى ياانسه مش هخطفك
كيان فتحت باب العربيه اللى ورا وركبت…
بعد ساعه فاقت على صوت الشاب وهو بيقولها احنا وصلنا ياانسه
كيان نزلت وطلعت فلوس من اللى معاها ومدت أيدها بيها
كيان:اتفضل
الشاب:انتى زى اختى يا انسه وانا ساعدتك لله اتفضلى خدى فلوسك وامشى
كيان:متشكره جدا لحضرتك مش عارفه اقولك اى
الشاب بابتسامة:العفو على اى
