قفل باب الشقه وبصلى بهدوء وانا كنت واقفه مكسوفه
والد ليل فتح الباب ومشى وليل بصلى قربت منه وحضنته بقوه
كيان وهى حضناه:متزعلش ياليل كل حاجه هتبقى كويسه
ليل:كل حاجه باظت ياكيان
كيان:مفيش حاجه باظت ده مجرد بس لما يهدى هيرجع يكلمك ده مهما كان بباك
ليل:ببايا ابويا اللى عاوز يدمرلى حياتى مش كده
حاوطت وشه بإيديا بحنيه:حبيبى متحطش فى دماغك مادام احنا مع بعض عاوز اى اكتر من كده
ليل:عندك حق…انا هروح الشغل من اول بكره
كيان: انا نسيت اقولك انى بشتغل فى شركه
ليل:فين دى
كيان:فى****
ليل:هبقى اسأل على الشركه دى عشان لو مش كويسه تشتغلى فى واحده تانيه
كيان بابتسامة:ماشى ياحبيبى
ليل:تيجى نتفرج على فيلم سوا قبل ما ننام
كيان:ماشى نغير هدومنا دى ونتفرج
ليل:اشطا يلا
“ملحوظه:ليل مهندس ديكور”
قعد ليل على السرير وانا قعدت قدامه وسندت بضهرى على صدره حضنى وانا حطيت ايدى على ايده وضميتها ليا…ابتسم بحب وهو بيبوسنى من شعرى وبيشم ريحته
ليل:اوعى تنامى يبت
كيان:مش هنام لا بتفرج
ليل:تفتكرى هيحصل مشاكل تانى
كيان:متفكرش بقا سيبها لله
ليل:اممم حاضر
كيان:عايزه اقولك حاجه تفتكر بعد مااختارتنى قصاد بباك دى حاجه صغيره ؟
ليل:يعنى اى
كيان:يعنى انا جنبك طول العمر اوعى تفكر انى فى يوم ممكن اسيبك
ليل:بعد اللى حصل ده كله وانتى سامحتينى تفتكرى انى افضل حد عليكى
كيان: ربنا يخليك ليا
ليل: ويخليكى ياحبيبتى
فضلنا نتفرج على فيلم وشويه …
ليل: كيان
كيان:…
ليل:بت ياكيان انتى نمتى
كيان:…
ابتسم ليل وعدلنى غطانى كويس وقفل الشاشه وخدنى فى حضنه ونمنا
صحيت الصبح كان حاضنى وبصراحه دى احلى حاجه بحبها انه بيحضنى وهو نايم انا بحب ليل اوى ياجماعه
كيان:ليل ليل يلا اصحى بقا
ليل:امم سيبينى شويه
بوسته برقه:يلا قوم ياحبيبى بطل كسل وراك شغل
ليل:عايز انام فكك
كيان بضحك:فكك اى بقولك وراك شغل اصحى بقا ياليلى عشان تبقى تنام متأخر
شدنى نحيته وباسنى:انتى قولتى ليلى
كيان:اممم قولت كده
ليل:حلو
كيان:مانت فعلا ليلى وكل حياتى
ليل وهو بيقوم:ده الواحد امه دعياله انه يصحى على الكلام الحلو ده
كيان بإبتسامه:ده مش امك اللى دعيالك ده انا اللى بدعيلك فى صلاتى
ليل:انتى قلبى والله
كل واحد راح شغله وبدأنا فعلا نشتغل ومنفكرش فى حاجه
كنت هروح بعدها ب ٥ ساعات تقريبا لكن حازم ندانى
حازم:كيان
كيان:نعم ياحازم
حازم:الملف ده مش بتاعى ده بتاعك
كيان:اه ده انا ك….
ليل بحده:كيااااان
توقعاتكم؟؟ياترى ليل هيعمل اى لما يشوف كيان واقفه مع حازم؟
ليل بحده: كيااااان
كيان بخضه:ليل!
ليل:مين دههه وواقفه معاه لى اصلا
كيان:ااا…ده ده حازم و
ليل:ايوه حازم مين يعنى
كيان: ليل اهدى الناس بتتفرج علينا ده حازم زميلى فى الشغل وكان بيسأل على حاجه
ليل وهو بيبص ل حازم بحده:ملمحكش تقف معاها فااهم
حازم بهدوء:استاذ ليل اهدى شويه محصلش حاجه ل كل ده انا كنت بسألها على الملف ده بتاعها ولا لا
ليل بحده:امشى قدامى
مشيت وانا مضايقه من عصبيه ليل محصلش حاجه ل كل ده فيها اى يعنى لما حازم يسألنى على حاجه
ركبت العربيه بتاعه ليل وهو ركب هبد الباب بضيق
كيان:الله هو فى اى
ليل:اخرسى ماشى اى اللى موقفك معاه
كيان:مش هخرس انا مغلطش فى حاجه
مسك وشى بإيده بعصبيه وقوه:متنرفزنيش
بصيت فى عيونه بوجع:سيبنى وشى بيوجعنى
سابنى بقوه ف راسى اتخبطت فى باب العربيه
كيان:ااه دماغى
شدنى نحيته وخدنى فى حضنه…ليل: اسف مكنش قصدى…باسنى من راسى بحنيه
كيان:سيبنى ملكش دعوه بيا
ليل:والله
كيان:اه يلا سيبنى
سابنى وبدأ يسوق ومبصليش حتى…كنا فى نص الطريق
كيان: وعلى فكره بقا نسيت اقولك حازم ده اللى كان خطيبى
وقف العربيه مره واحده ف طلعنا قدام لولا حزام الامان كانت دماغنا اتخبطت
كيان:ااه مش تحاسب انت عايز تموتنا يامجنون
ليل:وحيااااه امك حازم ده يبقى اى يختى
كيان:معرفش اديك سمعت
ليل:انا هبقى مجنون دلوقت فعلا لو مفهمتنيش كل حاااجه
كيان:افهمك اى قولتلك حازم كان خطيبى وانفصلنا والباقى انت عارفه
ليل: كيااااان انتى عايزه تعصبينى وكمان واقفه معااااه ده انتى ليلتك سودا ماشى لما نروح
كيان:اي هتضربنى ولا اى
ليل:مسمعش صوووتك لحد مانوصل البيت
سكت وانا زعلانه فعلا أنه مش فاهمنى أو فاهم الموضوع غلط..وصلنا البيت دخلت اوضتى غيرت هدومى وهو دخل ورايا
ليل بعصبية:عاجبك اللى حصل واقفه معاه ليي مادام انفصلتم
كيان بعياط:فهمتك قبل ما تعرف انه كان خطيبى انه كان بيسألنى عن الملف مش اكتر
ليل:ومفيش غيرك يسأله على الزفت الملف يعنى
كيان بعياط: عشان فى شغل بينى وبينه مشترك عادى يعنى هو دلوقت زميلى مش حاجه تانيه
ليل بهدوء:انتى بتعيطى لى دلوقت
كيان:مبعيطش
ليل:والله اومال دى اى دموع تماسيح
عديت من جنبه بزعل وطلعت بره اتنهد هو بقله حيله وغير هدومه وطلع قعد جمبى…قرب منى وباسنى بحنيه
بعدت عنه بزعل:ملكش دعوه بيا
ليل:ازاى بقا مش انتى مراتى
كيان بزعل:والله ومفتكرتش انى مراتك وانت بتضربنى لى
ليل:انتى هتتبلى عليا انا ضربتك دلوقت
كيان: ايوه خبط راسى فى العربيه
ليل:مكنش قصدى
بصيت النحيه التانيه ومردتش عليه
ليل:يبت بقى خلاص انا بس اتضايقت لما شوفتك واقفه مع راجل غيرى كمان جايه تقوليلى ده كان خطيبى
كيان:سيبنى بقا دلوقت عشان مضايقه بجد
شدنى نحيته وخدنى فى حضنه:مقدرش اقعد وانتى زعلانه منى خلاص بقا حقك عليا
كيان:طيب سيبنى عشان اقوم ارتاح وبعدين اعمل الاكل
ليل:هترتاحى فى حضنى وبطلى تزعلى من اى حاجه كده
كيان:ماشى
ليل:على اساس ماشى دى مش زعلانه وكده
كيان:ليل اسكت بقا
ليل:طب اعمل اى عشان يرضيكى مش عايزك تكونى زعلانه
كيان:مش زعلانه
ليل:لا باين انك زعلانه
مردتش عليه..مسكنى من ايدى
ليل:طب تعالى يلا عشان تنامى
نمت على السرير وهو حضنى: متزعليش بقا انا اسف
كيان:…
ليل:انتى متعرفيش انا بغير عليكى قد اى وبحبك قد اى ف لما الاقيكى واقفه مع واحد اكيد اى حد غيرى كان هيعمل اكتر من كده
كيان:كان لازم بعد ماتفهم متعملش اللى انت عملته
ليل:طب خلاص حقك عليا…انا عرفت هصالحك ازاى
كيان:ازاى
ليل:بليل بقا ان شاء الله
كيان:ليل اتلم شويه
ليل بضحك: ياقليله الادب دماغك راحت فين انا اقصد نجيب اكل رومانسى ونقعد سوا
كيان:اه بحسب
ليل بضحك: المشكله ان انتى صح
كيان بضحك:اهوو شوفت ليل والله ل
ليل:هششش اسكتى
ضحكت ونمت وانا فى حضنه ودى احلى نومه بالنسبة لى
عدا حوالى اسبوع وقررنا اننا هنروح ل ماما وحماتى كمان تكون موجوده
كنا قاعدين بنضحك’..
حماتى:يختى لو كنا نعرف انك هترجعى تتخنى تانى وتبقى حلوة كده لما جوزك يرجعلك كنا جبناهولك من زمان
ماما:اه والله
بصيتله بحب وانا ماسكه ايده وسانده على دراعه
ليل:متكسفوهاش ياجماعه وشها قلب طمطمايه
ضحكت بكسوف…وفضلنا نتكلم فجأه وشى قلب وقربت من ليل اوى وقولتله بهمس
كيان:**
ياترى كيان قالت ل ليل اى؟؟
حماتى:يختى لو كنا نعرف انك هترجعى تتخنى تانى وتبقى حلوة كده لما جوزك يرجعلك كنا جبناهولك من زمان
ماما:اه والله
بصيتله بحب وانا ماسكه ايده وسانده على دراعه
ليل:متكسفوهاش ياجماعه وشها قلب طمطمايه
ضحكت بكسوف…وفضلنا نتكلم فجأه وشى قلب وقربت من ليل اوى وقولتله بهمس
كيان:ليل بطنى بتوجعنى
بصلى بقلق:مالك بتوجعك اوى؟
كيان:ايوه حاسه انى عايزه ار*جع
ليل:طب اهدى
ماما:اقوم اعملك حاجه سخنه
ليل:لا احنا نروح لدكتور احسن مش يمكن رجعت تعبانه تانى
حماتى:عندك حق روح واتصل طمنا عليها
ليل:تمام
سندنى وانا كنت ماشيه بوجع نزلنا ركبنا العربيه وسندت راسى على رجله كنت شبه نايمه وهو كان بيسوق
ليل:جسمك هيوجعك من النومه دى
كيان:مش قادره خالص
ليل:معلش ياحبيبتي استحملى على اما نوصل
