الشقه المس,كونه بقلم احمد محمود شرقاوي

بعد طلاقي أدمنت حكاية اني اجيب ستات الشقة بتاعتي, بل واني تفننت في اختيار كل بنت تجيلي شقتي, بس بعد ما رديت طليقتي بقا صعب جدا اعرف اجيب بنت لشقتي, واتعرفت وقتها على بنت في ديسكو اسمها شيرين, وكنت همو.ت واختلي بيها في مكان لوحدنا, وكانت الفكرة الجهنمية لما كنت بزور اختي وبالصدفة لقيت مفتاح متعلق في المكتبة, ولما سألتها ده مفتاح مين قالتلي انه مفتاح الشقة اللي قصادهم بتاعت استاذ عفيفي, وانه مسافر بقاله فترة طويلة وسايب المفتاح لينا عشان لو لا قدر الله حصلت أي حاجة واحتجنا ندخل الشقة, لأنه كان بيثق في جوزي الله يرحمه..

والفكرة اكتملت في دماغي, طلعت نسخة على المفتاح من غير ما اختي تعرف, وفي الليلة دي وصلت العمارة انا وشيرين, نزلت شيرين بعيد وناديت على البواب عشان يساعدني وانا بطلع الشنط من العربية, في اللحظة دي دخلت شيرين من العمارة على الاسانسير, وبعدها دخلت وراها مع البواب اللي محسش بأي حاجة..

طلعت الدور خلتها تدخل الشقة ودخلت انا لاختي الأول عشان طبعا هي سمعت صوت الاسانسير بيقف في الدور بتاعها, بعدها دخلت شقة عفيفي انا وشيرين, وبعد ليلة من الفاحشة صحيت لقيتها بتسر.قني, ولما واجهتها لقيتها بتهددني اني لو مسبتهاش تمشي هتصرخ وتسمع اختي اللي في الشقة اللي جمبي اني بتاع ستات, غصب عني مسكت الخنجر بتاعي واللي دايما معايا ومحستش بنفسي غير وانا ب..ها بعد معافرة عنيفة وخربشة منها في جسمي..

كانت كارثة, بس حاولت احلها بهدوء, السرير اللي جوة مقفول من كل النواحي, يعني لو حطيت الج.ثة تحتيه وحطيت عليه السوست والمرتبة مش هتطلع ريحة ولا حد هياخد باله, وعقبال ما صاحب الشقة يجي بعد عمر طويل هيكون الموضوع انتهى ومحدش هيعرف حاجة، او اروح انا اسر.ق العظم واخفيه بس اكون هديت شوية، لأني حاليا متوتر مش هعرف اعمل حاجة..