الشقه المس,كونه بقلم احمد محمود شرقاوي

وصلت لباب الشقة ورجليا بتترعش, وهنا وقف صوت رن الجرس, فتحت الباب بالراحة لقيت الدور كله مضلم, وسمعت صوت خطوات هناك, عند الشقة اللي قصادنا, بصيت بسرعة لقيت الست دي بتدخل من باب الشقة, كنت عامل زي المسحور اللي لازم يدخل وراها ويشوف فيه ايه, كأني فاقد القدرة على جسمي, جسمي اللي بيتحرك في الضلمة تجاه الشقة..

وقفت قدام الشقة جسمي كله بيتنفض, دفعت الباب لقيته اتفتح معايا, مستحيل يكون الباب بيتفتح بالسهولة دي, اول ما دخلت من الباب, طاخ, سمعت صوت باب الشقة ورايا بيتقفل..

حاولت افتحه مرة واتنين معرفتش خالص, فجأة سمعت صوت واحدة بتضحك ورايا, في قلب الضلمة, الشقة كانت ريحتها غريبة جدا, كأن مدفون فيها ج.ثث..

اتقدمت خطوة واتنين وانا حاسس اني هيغمى عليا, كنت حاسس ان فيه حاجة مسيطرة عليا بتجبرني اتحرك زي ماهي عايزة, كان صوت الضحك جاي من الاوضة اللي جوة, قربت واحدة واحدة وشوفتها, نفس البنت اللي كانت بترن الجرس, كان فيه نور ضعيف جاي من شباك الاوضة فقدرت اشوفها, شالت الملاية من عليها وظهرت عارية قدامي, كان جسمها بينزل دم من كذا مكان, وشها كان مبتسم رغم الدم اللي نازل منها..

وفجأة لقيت حاجة خبطتني بعنف رمتني على السرير, هنا بس شوفت الست دي بتحاول تخربشني في وشي, لقيتها فوقي مرة واحدة والدم بينزل منها عليا, في اللحظة دي بدأت اصيح واستغيث, وفي نفس اللحظة سمعت صوت صراخ اختي قدام باب الشقة, تقريبا كانت واقفة عشان تطمن عليا, صوت صراخها سمع العمارة كلها, ولقيت نفسي بقع في غيبوبة عميقة..

فقت من الغيبوبة لقيت نفسي في قسم الشرطة ومقيد بالكلبشات, بصيت بخوف تجاه اختي اللي كانت واقفة بتلطم وتبكي, ابتسم الظابط وقالي:

– حمدا لله على سلامتك يا بطل

– فيه ايه وانا متكتف هنا ليه

– عشان انت بطل واحنا بنحب نكتف الأبطال

……………………………..

بعد ما وقعت في الغيبوبة اختي صرخت, الناس اتلموا وكس.روا الباب وبلغوا الشرطة اللي حضرت في أقل من نصف ساعة للشقة, وبعد بحث دقيق في الشقة اكتشفوا ج.ثة واحدة مقتولة حديثا تحت السرير اللي انا كنت نايم عليه, وبدأت التحريات, كل ده وانا نايم في المستشفى في غيبوبة..

الطب الشرعي حدد و.فاة الج.ثة من عشر ايام بس, وبالفعل تمت مراجعة كاميرات المراقبة اللي في مدخل العمارة, واتشافت البنت فعلا بتدخل العمارة, وبعدها بدقيقة بيدخل مين بقا ؟؟

ايوة انا اللي دخلت وراها..

والطب الشرعي قدر يلاقي بقايا جلد في ضوافر القتيلة, ولما خدوا عينة مني وقارنوها وجدوها بترجع لمين ؟؟

ليا انا ايوة

كل الكلام ده واجهني بيه الظابط وغصب عني اعترفت, اعترفت بكل حاجة..