خـ ـدعة الزواج للكاتب/ أحمد محمود شرقاوي

حاولت أستعطف الشخص اللي بيهددني واللي مش عارف هي ولا حد تاني بس كان مصمم على الفلوس، وكان عايز مبلغ كبير تقريبًا هو كل اللي محوشه أصلًا، لحد ما افتكرت بالصدفة إني كنت مصور بطاقتها عشان بعتلها مرة حوالة كانت بتوصلها لحد في بداية معرفتي بيها، دعيت ربنا من قلبي ألاقي البطاقة وفعلًا لقيت الصورة، وجبت اسمها بالكامل وراسلت واحد صاحبي من محافظتها وقالي هجبلك كل التفاصيل عنها..

وبعد يوم واحد وصلتني المعلومات وعرفت إنها هربت مع واحد كانت بتحبه وجت على القاهرة، وإن اللي هربت معاه ده عيل صايع وبتاع برشام ومخـ ـدرات من الأساس، بدأت أحاول مع أرقامها تاني، ابعتلها رسايل، أفكرها إني بحبها وإني عاوزها بس لسة مش جاهز للجواز، اتوددت ليها لحد ما فعلًا ردت عليا، قولتلها إني مكنتش أتوقع ده منها وإني مش رافضها عشان هي وحشة، أنا رافضها عشان طليقها ممكن بعد ما نتجوز يطاردنا مش أكتر ولا أقل، وفضلت ليلة كاملة بسمعها كل قصايد الغزل لحد ما بدأت تحكيلي فعلًا إنها مش متجوزة أصلًا..

كانت بتحب عيل صايع ولما الأهل رفضوا جوازهم هربوا مع بعض على القاهرة، ولما طلبت منه يتجوزها رفض وقالها هنعيش مع بعض من غير جواز، ولو رفضت هيبلغ أهلها بمكانها، وعاشت معاه طول الفترة دي بدون جواز لحد ما شافتني واتعلقت بيا، وبدأت تدخلي من ناحية إنها هتطلق وجوزها بيضــ . ـربها عشان أشفق عليها، وبعدها استدعتني عندها مرة واتنين، كانت على أمل إني أوافق فتهرب من اللي عايشة معاه ونتجوز، لِأنها كانت عايشة معاه حياة زي الجحيم..

لما أنا رفضت قررت تنتقم مني، صورتني وحكت لعشيقها كل حاجة، بس حكتله من باب إنها بتنصب عليا مش من باب إنها بتحبني، وهو وافق عادي وصورتني وبدأوا يبتزوني عشان الفلوس، قولتلها إني مش هسبها ولازم نتخلص من عشيقها ده عشان نقدر نتجوز، لِأنه مش هيسبنا في حالنا، ولما قالتلي ازاي قولتلها الموضوع بسيط..

أنا صيدلي، وأقدر أجيب سم محترم اللي يدوق منه جرام يمــ . ــوت خلال دقايق، واتفقت معاها على كل حاجة تفصيلًا، كنت مقرر أقــ . ـــتلهم الاتنين مش هو بس، عشان أهرب من الفضيحة، قولتلها تيجي تاخد مني ازازتين عصير وهعرفها مين اللي حطيت فيها السم، وتشربه هو المسمومة وهي تشرب معاه التانية، وحطيت سم في الازازتين، وفضلت مستنيي وأنا ميت من الرعب، بس الشيـ . ـطانة مشربتش ازازتها، ولقتها بتكلمني إنه خلاص مات وأروحلها عشان نداري الجـ . ــثه في أي مكان، كنت حاطط خطة إنها هتشرب وتمــ . ــوت معاه في نفس الشقة وأنا بعيد..

وفضلت مرعوب ساعة كاملة وهي بترن، مرة واتنين وعشرة، هروح ازاي وهخبي الجـ . ــثه فين، كلمتها وقولتلها تقطع الجـ . ــثه لحد ما أجي، قالتلي ده مش اتفاقنا، الاتفاق إنها تشربه السم وأنا أجي وأتصرف في الجـ . ــثه، وقفلت تليفوني من الرعب، وفضلت هي لحد الصبح مع الجـ . ــثه، ولما لقتني بعتها هربت من الشقة، وأيام بس والجيران اكتشفوا الجـ . ــثه، بلغوا بمواصفاتها إنها عايشة معاه، المباحث جابتها واعترفت عليا إني شريك في الجــ. . ـريمة، كل ده وهي متعرفش إني كنت عايزها تمــ . ــوت وأي دليل يختفي وراها، بس للأسف الشاب المتفوق الصيدلي حياته اتدمرت تمامًا..

لما تلاقي واحدة متجوزة بتشكيلك إياك ثم إياك تسيب هرمون النخوة والرجولة يسيطر عليك، أنت أصلًا مش من حقك تسمعها، ولا تشفق عليها، لِأن كلامك نفسه معاها باب كبير للفتنة، عايزة تطلق أو عندها مشاكل تحلها بعيد عنك، إنما هتعمل راجل وتقف معاها هتتورط في الحرام، هتتورط مع واحدة طالما شكت جوزها لراجل غريب يبقا تأكد تمامًا إنها ست مش كويسة أصلًا وطالما باعت أقرب إنسان ليها لواحد غريب يبقا هتبيعك في أقرب محطة، وإنسانة زي دي لا تستحق تسمع منها كلمة لِأنها هتدمر حياتك..