رواية حياتى عذاب

ماجدة بتهكم: متأكد 

رامي: أكيد حد فيكم عملها حاجه 

ماجدة بسخط: يوووه… يعني هي ملاك مبتغلطتش 

رامي: أيوة ملاك مبتغلطش 

ماجدة: خليك عايش في اوهامك دي…

قالتها ودلفت غرفتها فتنهد رامي وقال: ليه بس يا مروة.

جلست مروة علي الآريكة بضيق بعد ان نهضت من الفراش بسبب تفكيرها.

جاءها صوت والدها من خلفها: بتفكري فيه 

نظرت له مروة وقالت: انت لسه صاحي.

جلس بحانبها وقال: انام ازاي وانتي لسه صاحيه 

نظرت له مروة بحب وقالت: وحشتني اوي يا بابا 

ابتسم كمال وقال: كنتي مستحمله ازاي.

مروة پبكاء: انا مبخلفش يا بابا… أنا أرض بور 

كمال بعتاب: اوعي تقولي كده انتي ست البنات 

ارتمت مروة بأحضانه تبكي وتقول: قولت يا بابا يجوز وانا عارفه احسن ما يحن للخلفة ويتجوز من ورايا.

ربت علي كتفاها وقال: وانتي علشان مش بتخلفي تستحملي كل الذل ده 

ابتعدت عنه وقالت: يا بابا انا بحبه.

كمال پغضب: بصي بقي الحوار ده انتهي وهتطلبي الطلاق 

مروة پصدمة: طلاق

كمال: أيوة لو انتي مش عارفه مصلحتك فأنا هعملها حتي لو ڠصب عنك 

مروة: بس…

قاطعها: مبسش ده آخر كلام 

اڼهارت باكية فاحتضنها بحب وقال: اهدي يا مروة مفيش حاجه تستاهل دموعك.

في الصباح الباكر توجه رامي لمنزل مروة وفتح له كمال الباب.

دلف رامي وجلس قائلا: ازيك يا عمي 

كمال: انا بخير يا ابني… خير 

رامي: خير ان شاء الله… بس مروة سابت امبارح البيت من غير أي أسباب وكنت عاوو أقابلها

كمال: هيا والدتك مقلتش ليك 

رامي: لأ مقلتش هو حصل ايه 

كمال: هي تحكيلك أفضل.

قالها كمال ودلف غرفة مروة وطلب منها ان تخرج له 

مروة: خير 

رامي: في ايه يا مروة 

مروة: مفيش ويا ريت يبقي مفيش علطول 

رامي: ايه اللي حصل لكل ده 

مروة: اعتقد طنط ماجدة ممكن تقولك.

رامي بتعجب: مروة في ايه… مالك 

اڼفجرت مروة وقالت: تعبت من علاقة بدي فيها مش باخد تعبت من علاقة بتستنفد طاقتي وبتاخد من روحي