بعد جوازي بشهرين

في المساء صحيت غرام بضيق من صوت خبط على الباب ، قامت قربت على الباب فتحت لاقيت مروه قدامها
: مرات عمي بعته الأكل لي أدهم

اخدت منها الصنيه ، و اتكلمت برقه
: شكرا

مروه مشيت و غرام قفلت الباب و دخلت قربت على السرير ، و حطيت الصنيه عليه و صحت ادهم بهدوء
: قوم يلا علشان تاكل و تاخد العلاج

اتعدل على السرير و قعد حطيت غرام المخده ورا ضهره يسند ضهره عليها ، رجع بضهره سند عليها
اتكلمت غرام بهدوء
: مرتاح كده و لا احطلك المخده التانيه

بصلها و اتكلم بهدوء
: اممم مرتاح

حطيت الصنيه على رجليه و هي قعدت قدامه و مسكت الشوكه و بدأت توكله بيدها ، بصتله في عينيه و اتكلمت
: خلصت

هز رأسه بمعنى لا و هوا عايز يختبر صبرها و تحملها
: لا

ابتسمت بحب و رجعت تأكله بحنيه لحد اما مبقاش قادر ياخد نفسه من كتر الأكل ، خلصيت أكله و بدأت تأكل بخجل من نظراته
أكلت القليل و شالت الصنيه حطيتها على الترابيزه ، و جابت الادويه بتاعته ، و رحت عليه ادته الادويه
و قعدت قدامه مسكت طرف التيشرت و سعدته في خلعه.. بصيت لـ الجرح.. بتأثر ، و مسكت المطهر و القطن و طهرتله الجرح.. بتوتر
بعد أما خلصيت خلعت الجلفظ ورمته في سالت الزباله.. جت تقوم منعها أدهم و سحبها لـ حضنه بحب
اتوترت غرام من قربه ليها ، كانت سمعه دقات قلبه من أثر قربها لأنها كانت حاطه رأسها مكان قلبها ، حولت تبعد منعها ، و اتكلمت بتوتر و خجل
: ادهم

ضمها لحضنه بحنيه و همس
: امممم

رفعت وشها بصتله في عينيه بتوهان ، نزلت عينيها و اتكلمت بخجل
: ابعد عايزه اقوم

رفع وشها بيده السليمه بصت في عنيه بتوهان و وشها محمر من فرط خجلها ، أبتسم بحب على خجلها و نزل وشه و دفـ,ـنه… في عنقها بهيام

في الصباح صحيت من النوم على ملمس ناعم على وشها ، فتحت عينيها كان ادهم نايم و هي فى حضنه و بيمشي ايديه على وشها بلطف و على وشه ابتسامه جميله

خبت وشها في حضنه ، و اتكلمت بابتسامة و رقه
: صباح الخير

سند راسه على دماغها و ضمها لحضنه بحب ، و اتكلم بحنيه
: صباح النور يا روح قلب ادهم

مرر ايديه على شعرها بحب و حنيه ، و هوا مش مصدق نفسه ان ربنا رزقه بزوجه صالحه زي غرام

بعد مرور أيام ادهم صحته اتحسنت و غرام معاه لحظه بالحظه مسبتهوش ، و حاسه بمشاعر جديده عليها و ادهم كل لحظه بيسبتلها حبه ليها اكتر بافعاله ، حسيت ان ربنا بعتلها العوض اللي هينسيها كل اللي عشيته

صحيه هما الاتنين على صوت خبط مزعج على الباب ، قام ادهم فتح الباب بسرعه و قلق لاقه فارس قدامه
: ابوي عايزك تحت

ادهم اتكلم بستغرب و هدوء
: خمس دقايق اغير هدومي و هاجي وراك

دخل و قفل الباب و هوا مستغرب ، اتكلمت غرام بقلق
: في إيه يا ادهم فارس كان عايز ايه

قرب عليها و سحبها من خصرها ، و بص في عينيها و قال
: في حد يعمل اللي عملتيه أمبارح دا
علشان تبقي تسمعي الكلام بعد كده و تكلي كويس و تشربي البن مش كان هيفدنا أمبارح

خدودها اتوردت من فرط خجلها ، و اتكلمت بخجل
: خلاص بقي مكنتش تعبت شويه و دخت

اتكلم ادهم بضيق مكتوم
: طيرتي علينا الليله

بصتله بصدمه ، و اتكلمت برقه و خجل
: ادهم

بصلها في عينيها بعشق جارف
: عيون ادهم و قلب ادهم و روح ادهم نعم يا روح قلبي

نغزته في ايديه بغضب طفولي ، و خجل شديد
: اتلم

اتصدم من ردها ، و اتكلم بتفاجئ
: اتلم بقي في واحده تقول لجوزها اتلم يا غرام

اتكلمت بنفعال و غضب من خجلها الدائم
: اه علشان انت أنت

قربها من اكتر و بص في عينيها ، و اتكلمت بابتسامة
: عشان ايه

بصتله في عينيه بعشق ، و اتكلمت بتوهان
: عنيك جميله اوي

نزل لمستواها و دفـ,ـن.. وشه في عنقها بتوهان فيها ، اتكلمت غرام بتوتر شديد و خجل
: عمي كان عايز منك ايه

اتنهد و بعد عنها بضيق شديد ، و اتكلم
: دا موضوع كان قيلي عليه بس أنا نسيته يلا روحي البسي علشان ننزل اتاخرنا عليهم تحت
يتبع….

الفصل السابع

نزلت غرام مع أدهم على السلم لاقيت العائلة كلها متجمعه و مستنياهم ، استغربت لمتهم و حسيت بالخوف بدا يتسلل لـ قلبها و راحت على والدته

غرام بصوت رقيق و هي بصه لـ والدتها بمعنى في ايه
: صباح الخير

فريال بصتلها بطمئنان ، و اتكلمت بحب
: صباح النور يا حبيبتي

حمدان بص لـ أدهم و اتكلم بهدوء
: اتأخرت كده ليه يا أدهم انا مش معرفك من امبارح انك تصحى بدري

أدهم بص لـ غرام و أبتسم من غير ما حد ياخد باله ، و بصله و اتكلم بمكر
: كان عندي شغل مهم سهرت عليه طول الليل

عزه اتكلمت بستغرب
: شغل إيه اللي هنا في البيت مش شكلك كلوا في المدريه هناك في مكتبك

بصلها ادهم و اتكلم بهدوء
: شغل على التليفون يا أمي قضيه بتابعها مع زميل ليا

احمرت وجنتها من فرط خجلها ، و بصتله بغيظ و غضب شديد و هي مبرقاله
أكمل حمدان كلامه و هوا بيقوم من على الكنبه
: يلا علشان نلحق نخلص

الكل اتحرك و خرج واحد ورا التاني لحد اما مبقاش فيه حد غيرها هي و هوا ، قربت عليه بغضب منه و اتكلمت بستغراب
: هو في إيه أنا مش فاهمه حاجه

سحبها من خصرها عليه بابتسامة ، شالت ايديه من عليها و بصتله بتحذير و اتكلمت بصوت حاد رغم رقته
: أدهم

بصلها في عينيها بحب ، و اتكلم بهيام
: عيونه

رفعت سباتها قدام وشه و اتكلمت بغيظ و حدا
: بطل حركاتك دي و اتلم شويه حد يشوفنا

سابته و خرجت بص لـ أثرها بابتسامة و خرج وراها ، كان فيه راجل واقف في الجنينه و مسك في ايديه سكيـ نه.. و قدامه جمل مقعدينه على الارض ، قرب عليه فارس و مسك الحبل من الراجل

غرام بصتلهم بتعجب ، و اتكلمت بعدم فهم
: هو في إيه و مقعدين الجمل ليه كدا

بصلها ادهم و اتكلم
: دا ندر بابا ندره علشان قمت بالسلامة و عديت من الطلقه.. اللي كنت واخدها في كتفي

أبتسمت غرام على حب عمها لي اولاده ، مشي أدهم راح عندهم و مسك السـ كينه.. و خباها ، قرب على الجمل و خله يقعد و طلع السكـ ينه… و سماء بالله و مره واحده دبـ حه.. و غرق كف أيده بالـ دم
و أبتسم و هو بيقرب على غرام ، اول دما شافته صرخت بخوف و جريت جري ورها و هي بتصرخ و الكل واقف بيضحك على خوفها

جريت من ورا عمها ، و اتكلمت من وسط صريخها
: لا يا أدهم متعملش كده

مسكها أدهم بكل سهوله و ختم.. على ملابسها بكف ايديه بالدم..
: تعالي هنا أنتي مفكره أنك لم تجري مش هعرف امسكك

بصتله غرام بقرف ، و اتكلمت بغضب شديد
: بهدلت الدريس ينفع كدا

مروه بصيت على فارس و هي مستنيه يجي و يعمل زي أدهم بس معملش و انشغل في تقـ طيع الاحمه ، مثلت التعب و سندت على عزه كأنها هتقع
مسكتها عزه بسرعه و خوف عليها و اتكلمت بقلق
: مالك يا بنتي في حاجه

مسكت دماغها بتعب و اتكلمت بصوت متعب
: مش عارفه حاسه بدوخه و صداع هيفرتك دماغي

عزه حاوطت ضهرها بحمايا و خوف
: طب تعالي معايا أعملك حاجه تشربيها علشان الدوخه دي تروح و ارتاحي أنتي

فريال بصتلهم و راحت عندهم بقلق
: في حاجه يا عزه مالك يا مروه في إيه أنتي تعبانه

عزه بصتلها و اتكلمت بقلق
: حسيت بدوخه مره واحده و حاست بصداع شديد

حمدان بهدوء
: طب ادخلي ارتاحي أنتي و غرام هتنظف مكان البهدله

مروه بصتله ، و اتكلمت بتعب شديد
: لا خليها أنا اللي هنظف المكان

غرام بصتلها بقلق ، و اتكلمت بعتراض
: لا لا خلاص ادخلي انتي و أنا هنظف متقلقيش

دخلت مروه و هي سنده على عزه و فريال وراهم
شافهم فارس و هما واخدنها و دخلين ، و باين عليها التعب خلص شغله بسرعه مع أدهم و سابه و طلع

قرب أدهم على غرام و باين عليه انه مجهد ، حطيت غرام ايديها على فمها بقرف.. و اتكلمت
: أنا مستحيل اعمل البتاع ده

ادهم بحنيه
: معلش يا غرام أنتي شايفه مروه تعبانه بس أنا هبقي معاكي متقلقيش تعالي يلا

بدأت تنضف المكان هي و ادهم ، كانت ماسكه خرطوم المايه و ادهم ماسك المساحه بينضف الارض ، رشته بالمايه بصلها ادهم و قرب عليها بسرعه مسك منها الخرطوم و غرقها مايه
فضلت تضحك و تلعب معاه بسعاده ، شالها ادهم بين ايديه مسكت فيه بقوة ولف بيها و هي بتضحك بحب نزلها على الارض وقفت على طرطيف صوابعها و هي محاوطه رقبته و حضنته بحب ضمها أدهم بشده

انتبهت غرام لوضعهم بعدت عنه ، و اتكلمت بخجل
: بس أبعد حد يشوفنا

ادهم بص حوليه و اتكلم بتملك عاشق
: و إيه يعني هيقوله واحد حاضن مراته فيها حاجه دي

مسكت لياقت التشيرت بتاعه بتدلع
: اممم مراته طب يلا يا حبيبي نخلص لأن ريحت هدومي بقت وحشه اوي و بقيت قرفانه.. من نفسي

ضحك عليها أوي و رجعه يكمله شغلهم لحد أما خلصه تنضيف حوش السرايا ، جريت غرام طلعت اوضتها و دخلت الحمام الاول و أدهم استناها في الخارج
خرجت بعد فتره و دخل ادهم

في المساء قربت غرام على السفره و قعدت جنب أدهم و بداءة في تناول الطعام في جو عائلي

حمدان بصلها و هي بتاكل ، و اتكلم بحنيه
: قوليلي يا غرام أدهم عامل ايه معاكي

حسيت بتوتر من سؤال حمدان و بصت لـ أدهم ، و اتكلمت
: الحمدلله كويس يا عمي

كمل كلامه بهدوء
: هتكملي جمعتك سمعت ان امتحاناتك قربت

بصتله و اتكلمت بارتباك شديد
: اه هكمل الجامعه ادهم حول ورقي هنا في الصعيد

ابتسم حمدان ، و اتكلم بشتياق
: مش تشده حلكه شويه عايزين نفرح بحفدنا عن قريب

أدهم بصله و اتكلم بهدوء
: إن شاءلله دعواتك يا حج

بصتلهم ، و اتكلمت بتوتر شديد و دون وعي
: بس أنا مش عايزه

الكل بصلها بصدمه و عدم تصديق ، اتكلم ادهم بحدا
: مش عايزه إيه

بصتله و حسيت بخوف من نظراته ، و اتكلمت بتوتر
: مش عايزه أطفال دلوقتي علشان درستي كنت عايزه أفتحك في الموضوع ده أنا هكمل درستي الأول و بعد كده أبقي افكر في الخلفه

مسك ايدها بحدا من تحت الترابيزه بعيداً عن عيونهم و اتكلم بصوت منخفض و هو بيتك على سنانه
: هعمل نفسي أني مسمعتش حاجه و الكلام ده مش عايز أسمعه تاني أنتي فاهمه

اتجمعت في عنيها الدموع ، و اتكلمت بصوت متحشرج و هي حاسه ان ايديها هتتكسر.. بين ايديه
: حاضر

ساب أيديها و رجع كمل اكله كأنه معملش إي حاجه ، قامت من على السفره و طلعت بص لـ طفها و أتنهد بضيق

فريال بصت لـ ادهم ، و اتكلمت بلطف و هي بتحاول تلطف اللي بنتها عملته
: معلش يا أدهم غرام لسه صغيره و مش فاهمه هي بتقول ايه

قاطعها حمدان بصوت حاد ممذوج بغضب
: لا بنت مبقتش لسه صغيره و أدهم دلوقتي جوزها يعني لو ض*ربها.. قدامك متتكلميش و لا تدخلي بنهم متخربيش بيت بنتك بيديكي

فريال شورت على نفسها ، و اتكلمت بصدمه كبيره
: و أنا هخرب بيت بنتي ليه يا حج حمدان
الظاهر أني غلط لما جبتها و جيت هنا نتحامه فيك

حمدان بغضب اشد
: متنسيش أنتي جيباها هنا ليه

قاطعهم أدهم بصوت مرتفع ممذوج بغضب مكتوم
: بابا غرام بقت مراتي دلوقتي ملوش لازمه نفتح في القديم

فريال سابتهم و قامت طلعت اوضتها و هي مصدومه من معملتهم اللي أتغيرت مع بنتها من أول غلطه ليها ، دخلت الغرف بندم شديد أنها سلمت بنتها الوحيده ليهم

في الأسفل حسيت مروه بالسعاده و انتصار ، و كملت كلامها و لا كأن شئ حصل
قامت عزه من على السفره ، و بصتله بعتاب و اتكلمت
: مكنش ينفع اللي أنت عملته دا يا حمدان هي استئمنتك على حتا من قلبها تقوم تكلمها بالطريقه دي

حمدان بصلها و اتكلم
: و أنتي مش شايفها بتتدخل أزاي في حياة بنتها

قاطعته عزه و بصيت لـ ابنها و اتكلمت بهدوء
: لان ادهم غلطان انه كلمها قدام أمها بالطريقه دي المفروض إي حاجة تحصل بنكم تكلمها يا حبيبي بينك و بنها مش قدمنا كلنا و تكسفها و لا قدام فريال غصبن عنها هتدخل لما تشوف بنتها بيحصلها حاجه أنا طالعه لي فريال و أنت يا أدهم اطلع شوف مراتك و رضيها بكلمتين هي برضو لسه صغيره و مش فاهمه