روايه حكايه سهام البارت الاول
فضلت قاعدة علي الكنبة اعيط والطم علي شرفي اللي راح بسبب شخص متهور كنت فاكرة انه بيحبني
وطول اليوم في انهيار تام و عياط حتي وانا بعمل الاكل ل ماما ول حسن. دمعتي مبطلتش نزول لغاية ما سمعت صوت باب الشقة بيفتح
جريت علي حنفية المطبخ غسلت وشي بسرعة علشان ميبنش اني معيطة واخويا يا خد بالة
خرجت بصيت لقيتة فعلا حسن اخويا ودخلت المطبخ تاني من غير ما ياخد بالة اني كنت ببص عليه
شوية راح نده عليا
خرجت له قالي اعمليلي كوباية شاي
دخلت عملت له كوباية الشاي وخرجت له بيها
بصلي كدة وقالي سهام مالك انتي معيطة؟
انا :: لا مفيش بس تعبانة وطول اليوم بطني وجعاني وعندي مغص
حسن :: بطنك وجعاكي من ايه طيب
انا :: مفيش بس شكلي اخدت دور برد
دخلت المطبخ تاني وانا جوة صعب عليا حالي وصعب عليا اخويا اللي ميستهلش الفضيحة بسببي لقيت نفسي بنهار من العياط تاني وقعدت علي الأرض وانا حاطة ايدي علي بوقي
علشان حسن اخويا ميسمعش صوت عياطي
مر ثلاث ايام ومعرفش حاجة عن سيد ولا حتي بشوفة في الشارع زي الأول
وفي اليوم الرابع لقيتة واقف مع رجب صاحبة
ندهت عليه .. بصلي .. شاورت له اني عايزاه
جالي وبدءت اتمشي وهو معايا
انا :: انت بقالك اربع ايام من ساعة اخر مرة كنا مع بعض مش بشوفك ليه
سيد :: ابدا بس كنت نزلت شغلانة كدة
انا :: طيب انت دلوقت لازم تشوفلك حل وتسرع موضوع جوازنا
سيد :: مانتي عارفة الظروف اللي انا فيها ومش هقدر اتجوزك علي الأقل قبل سنتين
انا :: يا نهارك الاسود يا سيد سنتين ليه يا سيد بعد عملتك دي انا مش هستحمل اقعد سنتين خايفة من الفضيحة او خايفة انك تسبني
سيد :: اسيبك ايه يا عبيطة وفضيحة ايه انا بحبك ومقدرش اعيش من غيرك
انا :: لا يا سيد علشان خاطري يا سيد اتصرف
سيد :: هتصرف ازاي يعني هسرق بنك مثلا
وصلت الفرن ووقفت جبت العيش وهو قالي انة رايح مشوار وسابني ومشي
روحت انا بعد ما اشتريت كل طلبات البيت وبعدين دخلت اعمل الاكل زي كل يوم
مرة يومين وفي اليوم التالت سيد جه زيارة لينا في البيت وقعد مع حسن اخويا وقالة انة جالة شغل في شرم الشيخ. وانة هيقعد هناك ثلاث شهور وان الشغلانة دي فيها لقمة عيش حلوة له
انا سمعت كدة وبدءت اشك ان سيد ناوي يخلع مني ومن الخطوبة
وبعد ما اقعد مع حسن اخويا اخويا سابنا مع بعض شوية وخرج قعد ما مامتي
انا :: سفرية ايه يا سيد اللي عايز تسافرها
سيد :: شرم الشيخ وفيها قرشين حلوين يساعدونا علي الجواز
انا :: بذمتك يا سيد مش ناوي تسبني بعد اللي عملتة معايا
سيد :: اسيبك ايه بس انتي مجنونة انتي خلاص بقيتي بتاعتي
انا :: طيب انا هطمن عليك ازاي
سيد :: انا هبقي اتصل علي اخوكي وهبقي اطمنة عليا
انا :: طب اكتبلي رقم تليفونك وانا شايلة فلوس علي جنب بكرة هشتري موبايل وخط وهبقي اكلمك انا
خرجت جبت ورقة وقلم من عند المكتبة اللي في شارعنا وخليت سيد كتبلي الرقم بتاعة وشلتة في البوك بتاعي وقعد معايا ساعة وبعدين قالي انة عايز يشوفني بكرا قبل ما يمشي
قولتله انت هتمشي بكرا امتي قالي علي بالليل الساعة 10
